Destination Southgreenland isumalluarpoq
Københavnimi nittarsaassinersuarmi, Vestnorden Travel Mart-imi, Destination South Greenland kujataaneersunik allanik arfineq’marlunnik peqateqarluni peqataavoq. Kujataani Takornariartitsiviit direktøriat, Tina Jensen, oqarpoq, kujataanut takornariarnissaq soqutigineqartorujussuusoq, tamannalu nuannaarutigisitsik oqarpoq.
USA-miit Europamiillu Islandikkoorlugu Nunatta Kujataanut takornariartarnissaq assut soqutigineqarsimavoq. USA-mi, Europami Kinamilu angalatitsiviit nutaat assut soqutiginnissimasut, direktør Tina Jensen oqarpoq.
Nunatsinni timmisartuutileqatigiiffiup, Air Greenlandip, aamma Islandimi timmisartuutileqatigiiffiup, Air Icelandip isumaqatigiissummik suli atsiugaqannginnerat pissutigalugu, aamma Namminersornerullutik Oqartussat isumaqatigiissummut akuersinissaat utaqqineqarmat, angalanissamut suli aaqqissuussisoqarsinnaanngikkallarpoq.
Destination South Greenlandilli nuannaarutigalugu nalunaarutigaa, Air Iceland-ip ukioq 2006-imi angalanissamut pilersaarusiaminni ilanngussimagaat, Reykjavik-Narsarsuaq.
Destination South Greenlandimi direktøri, Tina Jensen, oqarsinnaanerarpoq, namminneq piarrersimalluinnarlutik, Namminersornerullutillu Oqartussat akuersinissaat utaqqineqaannalersoq.
