Destination Disko: Takornarniat nunaqavissunit angallanneqartarnissaat pingaaruteqaqaaq

Maani takornariartitsivimmi tallimat suliffittaareerput. Takornariartitsiviillu assut iluarusupput nuannaarlutillu, neriuppullu pikorissartitsisarnerit siunissami ingerlaqqikkumaartut, Destination Diskomi siunnersorti, Konrad Seblon, oqarpoq. Nangillunilu oqarpoq, nammineq misilittakkani najoqqutaralugu takornariat nunaqavissunit angallanneqartarnissaat assut pingaaruteqartoq, tamatumunngalu pissutaanerarpaa nuna, soorlu Kalaallit Nunaat, tikinneqaraangat, takornariallu nunaqavissunit sullinneqaraangata, taakku paasisarmassuk kalaallit namminneq sulerusussuseqarlutillu piumassuseqartut.

Konrad Seblon assersuusiorpoq, nammineq Kinamiinnikuunngikkaluarluni, kisiannili Kinamukassagaluaruni, svenskimillu angallanneqarluni, tamanna pissusissamisoortutut nammineq isiginavianngikkini.

Ilulissanut takornarianut angallassisussanik allanik ilin-niartitsisoqaqqinnissaa ukiamut anguniarneqartoq Konrad Seblonip aamma oqaatigaa.