Destination Disko piviusunngortinneqalerpoq

Destination Disko piviusunngulerpoq, siulersuisunngortut tassaassapput ukiuni tulliuttuni Destination Diskop ineriartortinneqarnissaanut sunniuteqarnerpaasussat. Ineriartorneq suup tungaanut saassanersoq paasiniarlugu siulersuisunngortut ilaat Augusta Salling Qeqertarsuup Kommunea sinnerlugu ilaasortaq paasiniaavigaarput.

Qanga piorsaasoqanngikkallarmat kalaallit inooriaasiannik takussutissatut nunaqarfiusaq Qasigiannguit eqqaanni pilersinneqassava imaluunniit suut allat pilersitassatut Destination Diskop nalilersussavai. Apeqqutinik tamakkuninnga siulersuisunut ilaasortanngorlaaq Augusta Salling aperigatsinni ima akivoq;

- Destination Diskomi siunertaareermat tamakku suliniutit naqqanit aallartitassat namminersortunit aallartinneqartariaqartut isumaqarpunga, aallarnisaaniartulli Destination Diskomit tapersersorneqarlutillu siunnersorneqarlutik anguniagartik angujaarnerussagaat isumaqarpunga, Augusta Salling oqarpoq.

Augusta Salling Qeqersuup Kommuneannut sinniisuunermi saniatigut takornariaqarnermik ukiuni arlalinni ingerlatseqataasimavoq. Destination Diskop suliassai suussappammita:

- Destination Diskop suliassai tassaapput, Qeqertarsuup Tunuani takornariaqarnerup inerisarneqarnerani ataqatigiinnerusumik kiisalu takornariat illoqarfiit tulleriiaarnerullugilluunnit angalatinniartarnissaat. Taamaalilluni takusassat soqutiginartut amerlanerusut orninneqarsinnaasut nittarsaanneqarnerat annertunerusumik ingerlanneqarsinnaaniassammat. Tamannalu pingaaruteqartorujussuuvoq. Augusta Salling taama oqarpoq.

Destination Diskop siulersuisuinut borgmesterit pingasut ilaasortaapput, borgmesterimut tullersorti ataasiuvoq, kommunaldirektøri ataasiulluni maannamullu siulittaasuugallarpoq Greenland Tourismimi atorfilik. Aasiaat Kommuneat sinnerlugu ilaasortassaq sapaatip-akunnerata tulliani toqqarneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat