Destination Disko: Angallannermut pilersaarut pitsaanerusinnaavoq

maajip 20-at 2006 13:09

Qeqertarsuup tunuani angallannerup pitsanngorsaavigineqarnissaanik naalakkersuisut inatsisartullu suliniuteqaqqullugit Qeqertarsuup tunuani takornariaqarnikkut suleqatigiiffik Destination Disko Ilulissani ataatsimeersuaqqammersoq kajumissaaruteqarpoq.

Qeqertarsuup Tunuani Uummannallu eqqaani angallannikkut massakkorpiaq ajorluinnartumik aaqqissuussisimanerup takornariaqarnermik equtitserujussuarnissaa pissanngippat angallannikkut pitsaanerusumik maanna aaqqissuussisoqartariaqartoq, Destination Diskop siulittaasua Flemming Drechsel isumaqarpoq.

Destination Diskop angusai pitsaanerusinnaasut siulittaasoq naliliivoq.

- Ukiup affaa siulleq angusaqarpiarsimanngilagut. Siulersuisut inuttaleruminaatsissimavagut pisortamillu atorfinititsiniarneq aamma ajornakusoorsimavoq, massakkulli pisortaqalerpugut angalatitsiviillu assigiinngitsut suleqatigalugit ukiup affaata ingerlanerani aaqqissuussisimalluta.

Destination Disko aamma isumasioqatigiissitsisarpoq aningaasaliisarnerit siunissamilu takornariartitsisarnissat pillugit piginnittut isumasiorneqartarlutik.