Desmond Tutu suliaminik annikillisaavoq
- Sapinngisara tamaat sulisimavunga, maannakkut suliassatut kissaatigisakka piffissaqarfiginiarpakka, eqqissisimanerusariaqarlungalu, Desmond Tutu maannakkut 78-inik ukioqartoq, oqarpoq.
Nobelip eqqissinermut nersornaasiuttagaanik Desmond Tutu 1984-imi nersornaaserneqarpoq.
Sydafrikami qaamasumik amillit ammip qalipaataanik assigiinngisitsillutik naalakkersuisuunerisa nalaanni, Desmond Tutu akiuuttut nuimanerit ilagaat.
Sydafrikami tamat oqartussaanerat malillugu inatsisartunut siullerpaamik 1994-imi qinersisoqarmat, Desmond Tutup Sydafrika neriusaap naalagaaffianik atserpaa.
Desmond Tutu biskoppitut sulinerminit tunuavissornianngilaq, tassami suleqatigiinni utoqqaanerusunik taaguutilinni suleqataavoq, suleqatigiinni tassani sapaatip akunneranut ataasiarluni sulisassaaq, suleqatigiinni utoqqaanerusuni , suleqataapput nunarsuarmi naalakkersuisut siulittaasui, nunarsuarmi eqqissinissamik suliniuteqartut pitsuunerujussuullu akiorniarneqarneranik suliniuteqartut.