Den Frosne Planetip isiginnaaqqinnissaanut periarfissaqalerputit
TV-qarfissuup BBC-p Issittumi pinngortitaq pillugu aallakaatitassiarsua, Den Frosne Planet, DR1-ip sapaatiuppat aallakaateqqittussaavaa.
Allattoq Karsten Sommer, Carla Davidsen
oktobarip 18-at 2013 09:14
TV-kkut nangeqattaartuliami tassani, 2011-mi filmiliami, Issittumi, Sikuiuitsumi Kujallermiit Qalasersuaq tikillugu, inuuneq avatangiisillu qanittumik malittarineqarput; soorlu nanoq aappassaminik ujaasisoq, qipoqqaat Ækvatorimit Issittumi neriffigisartakkaminnukartarnerat, aamma naggueqatigiit Inuit inuunerminnik ulorianartorsiorsinnaaqalutik aaffanniartarnerat malittarineqarluni.
Immikkoortoq ataaseq aallakaatinneqareeraangat filmip "tunuliaqutaa" tassa qanoq suliarineqarsimanersoq, takutinneqartassaaq, soorlu pinngortitami filmiliortut imminnut ilaatigut ulorianartorsioqalutik, sulisarsinnaammata. Den Frosne Planet tassa sapaatiuppamiit, sapaatillu tulliuttut tallimat, DR1-ikkut isiginnaaqqinneqarsinnaavoq.
