Demokratit Senatimi amerlanerussuteqalerput
USA-mi nunap immikkoortortaani Virginiami senatorip George Allen-ip, unammillertinimut demokratimut James Webb-imut ajorsarnini ullumi nassuerutigaa, demokratillu taamaalillutik innuttaasut sinnerlugit sinniisoqarfimmi, Represæntanternes Hus-imi inatsisartunilu Senatimi amerlanerussuteqarnertik qulakkeerpaat.
USA-mi inatsisartuni immikkoortuni marlunni demokratit amerlanerussuteqarnertik republikanerinut 1994-imi annaavaat, maannalu tassa amerlanerussuteqaqqilerlutik.
Virginiami qinersiartorsimasut 2,4 millioniupput, ajugaasorlu, James Webb-i, 9000-iinnarnik amerlanerussuteqarluni ajugaalluni. Virginiami qinersinermik nakkutiginnittut taama ilisimatitsipput.