Demokraatit utoqqatseqqusipput

Inatsisartut ataatsimiinnerat aallartimmat, Naalakkersuisut siulittaasuata oqalugiarnermini oqaasiisa ilaat, Demokraatinit kusananngitsutut nalinerneqartoq, Per Berthelsen oqarpoq.

Naalakkersuitut siulittaasuat Hans Enoksen oqalugiarnermini oqarpoq qilalukkat pissutaallutik Demokraatit immikkoortortaqarfii Qeqertarsuup tunuaniittut ikiliartulersut.

Per Berthelsen isumaqarpoq, Demokraatit iluani pisut inatsisartuni ataatsimiittarfiup oqalugiartarfianiit mikrofonikkut eqqartussallugit tulluanngitsoq, inatsisartuni ataatsimiinnermi pingaarnerusunik eqqartugassaqarmat. Oqaluttarfik aqqutigalugu Naalakkersuisut siulittaasuata taamatut pissusilersornera ileeqqorissaarnissamik ilisimasaqannginnerusoq Per Berthelsen isumaqarpoq.

- Naalakkersup siulittaasuanit Demokraatit utoqqatserfigineqarnissaat, Dekokraatiniit piumasarissavarput, ataatsimiinnissamilu tulliuttumi oqaluttarfikkut utoqqatserfigineqarnissarput naatsorsuutigaarput, Demokraatit siulittaasuat Per Berthelsen tusagassiutinut nalunaaruteqarnermini taama allappoq.