Demokraatit: Umiarsualivik qineqqusaarutaannaavoq

Nuup kommueata nammineerluni namminersortunik aningaasaliisinnaasunillu suleqateqarluni, massakkut Nuup umiarsualiviata akiani Qeqertani umiarsualiviliorniarnera, kommunep aningaasaqarnera eqqarsaatigalugu akisussaassuqanngitsuliornerusoq qineqqusaarnerusorlu Demokraatit siulittaasuat Per Berthelsen oqarpoq. Siunissarlu ungasinnerusoq

isigalugu aaqqiissuteqarnissaq orniginartinnerarlugu.

-Qineqqusaarnerit taamaattut Demokraatit tungaaniit atorumanngilluinnarpagut. Tamannalu akisussaasusermik qimarratigininneruvoq ulorianartorsiortitsillunilu Per Berthelsen oqarpoq. Taamatullu oqarnini tunngavilersorpaa ukiuni kingullerni kommune-p aningaasanik tigoriaanaatai nungulluinnalersimammata.

-Mittarfik aamma aningaasaliisussarsiorluni talliniarneqarpoq, taasumalu saniatigut umiarsualivik aamma aningaasarpassuarnik akeqartussaq eqqarsaatigalugu mianersortariaqarpugut, Per Berthelsen oqarpoq.

Taammaammat isumaqarnerarpoq siunissaq ungasinnerusoq eqqarsaatigalugu aaqqiisoqassasoq, tassa Nuup illoqarfiata kujammut ilaneqarnissaani umiarsualivik Namminersornerullutik oqartussat aningaasaleeqatigalugit pilersinneqarsinnaasoq orniginartinneqarnerulluni.

Namminersornerullutillu oqartussat utaqqinagit kommunep nammineerluni umiarsualiviliornissaa orniginarnerusoq borgmester Agnethe Davidsen oqarpoq.

-Soorunami tamatta qineqqusaarpugutqineqqusaartut tamarmik sunilluunniit qineqqusaaruteqarput, Agnethe Davidsen oqarpoq. Erseqqissaavoq mittarfimmut tunngatillugu kommunep aningaasaliissutissai immikkoortinneqareersimasut. Umiarsualivillu eqqarsaatigalugu aningaasaliissutit kommunemut uteqqissasut Agnethe Davidsen oqarpoq. Inuussutissarsiutillu siuarsarneqarnissaat eqqarsaatigalugu umiarsualivimmut aningaasaliinissaq pitsaasuusanerarlugu.

Nuup kommuneani borgmester Agnethe Davidsen isumaqarpoq umiarsualiviliortoqarpat tamanna akileraartartunut sunniuteqarnavianngitsoq. Oqaatsigisinnaanginnerarpaalu umiarsualivissaq qanoq akeqassanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat