Demokraatit tusarnissartik utaqqivaat
Naalakkersuisooqatigiit isasoornerat ippassaq pisoq, Demokraatit siulittaasuata tupaallaatiginngilaa. Naalakkersuisooqatigiit amerlanerussuteqalaalersut ajornannginnerusumik illuatungilersorneqarsinnaalissasut, Per Berthelsen oqarpoq.
- Naalakkersuisutut ingerlaqqinniartut amerlanerussuteqalaarlutik ingerlaqqinniartut takusinnaavarput, taamaammat Demokraatininngaanniit takorloorparput periarfissat assigiinngitsut atorniarneqassasut. Taamaattumik naatsorsuutigivarput tusagaqarumaarluta, kisianni tusarnissarput eqqissiivilluta utaqqissavarput, tusagaqanngikkuttalu illuatungiliuttutut amerlanerulerluta nukittunerulerlutalu illuatungiliutilerumaarpugut, tassami IA-p taamatut pisoqarnera mamiagalugu sukataassaqaat, Per Berthelsen Demokraatit siulittaasuat oqarpoq.
