Demokraatit suli Asii pillugu akerliupput
marsip 24-at 2006 17:07
Peqqissutsimut naalakkersuisup Asii Chemnitz Narup-ip aniguinera Demokraatit suli akueriuminaatsippaat.
Demokraatit suli isumaqarput, siornatigut Ilaqutariinnermut naalakkersuisuusimasup naatsorsuutinut inatsit unioqqutillugu aningaasaqarnermut ataatsimiititaliamut tapiiffigeqqinneqarnissaminik qinnuteqarsimasoq.
Demokraatillu isumaat naapertorlugu atuineq pineqartoq kukkunersiuinermi ataatsimiititaliamit qangali ilisimaneqareersussaagaluarpoq.
Tamanna tunngavigalugu Demokraatit maanna piumasaqalerput naalakkersuisut inatsisinut peqqussutilianut nalunaarutinullu tunngatillugu nalunaarsuusiortariaqartut.
Tassanilu nalunaarsukkami takuneqarsinnaassaaq sorliit unioqqutikkaluaraanni malersorneqaatigineqarsinnaannginnerat.
