Demokraatit: Steen Lyngep innuttaasut salloqittaarivai
Steen Lyngep Radioaviisimut ippassaq oqarpoq 80 mio. kr.-it, RAL-ip, Ålborg Havnip Kommuneqarfik Sermersuullu Nuummi umiarsualivittaassamut akiliutigisinnaasimasaraluisa, pissarsiarinissaat ajornartorsiutigineqanngitsoq. Innuttaasunngooq tsamanna maluginavianngilaalluunniit.
- Nuup umiarsualivissaanut 80 mio. kr.-inik amerlanerusunik pissarsisoqarnissaata innuttaasunit malugineqarnavianngineranik oqaaseqarnera eqqortumut naapertuutinngilaq. 40 mio. kr.-it Nukissiorfiit taarsigassarsisinnaaneranit pissarsiarineqassapput, taakkulu utertinneqartussaapput, aningaasallu RAL-imit pissarsiarineqartussat atuisunit akilerneqassapput, assartuussinermut akit qaffannerisigut kiisalu suliffeqarfinnit namminersorlutik oqartussat pigisaannit allanit pissarsiariniarneqartussaassallutik. Tamanna Tele-mi KNR-milu atuisut akiligassat qaffannerisigut malugisussaassavaat, Jens B. Frederiksen nassuiaavoq.