Demokraatit: Siunnersuut taamaatiinnarniarsiuk
Anda Uldum malillugu naalakkersuisooqatigiit aningaasaqarnermut aqutsineq piginnaaneqarfigisorsuunngilaat. Tamannalu pissutigalugu partiit uiverlutik siunnersuuteqartalerput, soorlu aseersuutigalugu sulinermut akileraarutip qaffanneqarnissaanik aammalu qamuteralaap oqimaassusia malillugu akitsuusersuiniarlutik. Socialistit eqqarsariaasiat ilisarnaallak, Uldum allappoq.
- Naammaleraluaqaaq. Demokraatini ersarissumik naqissuserusupparput, aqqut kukkusoq atuallanneqartoq. Iuaqutaanngilaq akileraarutinik akitsuutinillu nutaanik nassaarniartuarneq – arlaannaataluunniit tamanna pisuujunerulissutiginavianngilaat, Anda Uldum nassuiaavoq.
Demokraatit siulittaasuata tullia Naalakkersuisut kaammattorpai inuiaqatigiit suliffeqarfimmik peqarfigissallugit ingerlatsivigissallugillu pilerinartut aamma suliffigissallugit aningaasarsiorfigissallugillu pilerinartut pilerseqqullugit. Tamatuma iluaqutissartarissammagu, inuusuttut ilinniartut takusinnaassammassuk ilinniarneq naammassissallugu pilerinartuusoq kingornalu atorfigissaarnissamut tamanna aqqutaasoq.
-Tamanna tunngavigalugu Demokraatini nalunaarutigissavarput Naalakkersuisut oqimaassutsimut qamuteralannut akitsuummik eqqussiniarnerat suna tamaat atorlugu akerlilersussagatsigu peqataanillu partiit Naalakkersuisoqataasut (Siumut aamma Atassut) kaammattorusuppagut siunnersuut itigarteqqullugu, siunnersuut atorunnaarsinneqarniassammat, Anda Uldum oqarpoq.
