Demokraatit Sermersooq Kangia nutaanik siulersuisortaartoq
Siulittaasunngortoq tassaavoq Mikael Nuko Sivertsen, taannalu siulersuisunngortullu sinneri naapertorlugit, siulersuisunngortut suliassaasa pingaarnersaraat Inatsisartunut aappaagu qinersinissamut piareersarnissaq qineqqusaartitsinissarlu.
Demokraatit Sermersooq Kangiata suliffissaaleqinermik ajornartorsiutit Tasiilamilu mittarfittaarnissaq tamatumunnga atatillugu sulissutiginiarpaat.
Gerda Vilholm Demokraatit Sermersooq Kangiani ukiorpassuarni ulluinnarni siuttuusarsimavoq aningaaserisuulluni, januaarimilu toqunissani tikillugu immikkoortortaqarfimmi allattaavoq.
Aamma immikkoortortaqarfik Demokraatit Sermersooq Kitaa nutaanik siulersuisunngoqqammerpoq.
Tassani siulersuisuni ilaasortanit sinniisussanillu arfineq-pingasuusunit arfineq-marluk siulersuisunit tunuarmata immikkoortortaqarfiup ingerlaannarnissaa anguniarlugu immikkut iliuuseqartoqartariaqarsimavoq.
Siulittaasoq: Mikael Nûko Sivertsen
Aningaaserisoq: Kristian Singertat
Ilaasortaq: Justus Hansen
Sinniisussaq siulleq: Ruutu Olsen