Demokraatit: Qulakkeerinnittoqaqqaartariaqarpoq

Great Greenland A/S-ip puisit amiinik Canadameersunik pisisaleqqissinnaaneranik naalakkersuisut tallimanngormat aalajangiinerat, Demokraatinit taperserneqarpoq.

Canadaminngaanniilli isumaqarput amminik eqqussuisoqalissappat puisit anaalerneqarsimallutik toqunneqarsimannginnissaat qulakkeerneqaqqaartariaqartoq.

Canadap Great Greenland A/S-illu akornanni isumaqatigiissummi pioreersumi tamanna ilanngunneqartariaqartoq, Demokraatit oqaaseqartittagaat Jens B. Frederiksen oqarpoq.

Jens B. Frederiksenillu aamma oqaatigaa, qinikkat nunatsinneersut tamanna ajornartorsiutigissanngikkaat, Great Greenlandilli nammineq isumagisariaqaraa:

- Politikeritut tamanna ajornartorsiutigisariaqanngilarput. Uagut qinikkatut Great Greenland piumaffigisariaqarparput nammineq isumaqatigiissusiortassasoq, qulakkeertariaqartorli tassaavoq puisit amiinik pisinikkut puisit pineqartut anaalerneqarlutik toqunneqarsimannginnissaat, Demokraatit oqaaseqartittagaat Jens B. Frederiksen oqarpoq.