Demokraatit: Qimmit saassussinernut atorneqartartut inerteqqutigineqalerlik

Qimmit pitt bull terrier aamma tosanik taaguuteqartut Danmarkimi uumasuutigineqarnissaat kinguaassiortinneqarnissaallu inerteqqutaavoq, nunatsinnili inerteqqutaanani.

Qimmit inerteqqutaasut pillugit inatsisip Danmarkimi sakkortunerulernissaa anguniarlugu folketingimi ataatsimiititaliaq maannakkut suliaqarpoq. Qimmit saassussinermut atorneqartartut qimmillu nukittuut uumasuutinut meeqqanullu saassusarnerisa kingunerisaanik, ataatsimiititaliaq siorna 2009-mi februaarimi pilersinneqarpoq. Qimmit naggueqatigiit assigiinngitsut aqqaneq-marluk uumasutigineqarnissaasa inerteqqutaalersinneqarnissaat ataatsimiititaliap siunnersuutigaa.

Justus Hansenip siunnersuuteqarnermini qimmit naggueqatigiit assigiinngitsut 14-it Nunatsinni inerteqqutaalernissaat kissaatigaa.

Qimmit saassussinernut atorneqartartut qimmillu nukittuunik taaneqartartut ajornartorsiutaanerat Nunatsinni aamma takussaasoq, Justus Hansenip oqaaatigaa.

Qujanartumik inunnik qimminit taakkunannga saassunneqartunik suli naammattoorsisoqannngilaq, kisiannili Nuummi uumasutigineqartut qimminit taakkunannga saassunneqartut naammattoorneqartarput, Justus Hansen oqarpoq.

Qimmit tamakkua inerteqqutaalernissaannut siunnersuut akuerineqarpat, qimmit pineqartut nakkutigineqarnerulissapput qarngisalu nalaat asseqqatinneqassallutik.

Qimmit tamakkua inerteqqutigineqalernissaannik siunnersuut, ullumi inatsisartuni oqaluuserineqassaaq.