Demokraatit qanigisat akiliuttaqquaat

Demokraatit kissaatigaat napparisimaruluttut nunatsinniit Danmarkimi sivisuumik katsorsartittussat, qanigisaminnik najorteqartarnissaat aningaasartuuttillu Peqqinnissaqarfimmit matussuserneqartassasut.

-Siunnersuut 2006–imi ukiakkut Inatsisartut ataatsimiimmata oqaluuserineqarpoq. Amerlanerussuteqartut kissaatigaat Peqqinnissamut Ataatsimiititaliami oqaluuserineqaqqaassasoq. Kingorna taama pisoqareermat Naalakkersuisunut saaffiginnissuteqaraluarpugut suli akissuteqarfigineqanngitsumik, taama oqarpoq Astrid Fleicher Rex, Peqqinnissamut tunngasunik Demokraatit sinnerlugit oqaaseqartartoq pineqartumillu Inatsisartunut ukiaru saqqummiusseqqinniartoq.

Oqaluuserisassanngortitassami imaa ima nassuiarpaa:

-Rigspotaliliartartut imaluunniit Danmarkimiittartut napparsimaruluttut taavalu Nuummukartartut sivisuumik ilaquttamik arlaannik ilagineqartarnissaat oqaluuserineqassaaq aammalu ilaqutaasut naallioreertaqigamik tarnikkut, angerlarsimaffimmi aningaasartuutissanut illumut, telefon-imut ajornartorsiutigissanngikkaa, tassa ikiorneqartariaqartoq ullormusioaqarluni, nerisaqartitaalluni suliffimmininngaanniillu aningaasarsiaqartitaalluni sulinngiffeqartitaanissaa.

Astrid Fleischer Rex oqaluttuarpoq Brønshøj-imi Kalaallit Napparsimasut Illuani pulaartilluni naapittarlugit arlallit kommuniminnit akiliunneqarsimasut, kisiannili qaammatit arleraangata kommunit ilai oqartarsimapput akissaaruppugut angerlarniarit taavalu aappani, nuliani, uini imaluunniit meeqqani qimaannartariaqartarlugit.

Kommunit ilai akiliussisarput ilaali akiliussisinnaassanatik.

-Tamanna assigiinnerusumik pisalertinniarlugu, siunnersuutigaara ukiaru oqaluuserisassanngortillugu. 2006 –mi apeqquteqaqqaarama ilisimatinneqarpunga 2005 –mimi napparsimaruluttut qaammatit marluk sinnerlugit Danmarkimiissimasut Nuummiissimasullu katillutik 45-simasut. Taakkunanngalu taamaallaat kommunit arfineq marluk kisimik ilaqutaasunut akiliussisimasut, taama naggasiivoq Astrid Fleischer Rex Demokraatit Peqqinnissamut tunngasunut avammut oqaaaeqartartua.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat