Demokraatit pituttoreerusunngillat
Inatsisartunut ilaasortap, Folketingimullu Demokraatit qinigassanngortitaata, Niels Thomsenip, Nunatsinnut uggornalaarnerarpaa, Siumup nukini tamaasa atorlugit ataasiinnarmik illinilimmik qallunaat Socialdemokratit suleqatigimmatigik
Allattoq Hagen Højer Christensen, Carla Davidsen
aggustip 22-at 2011 13:14
Sapaatip-akunnerata kingulliup naanerani paasivarput, Siumup attatiinnaraa kissaateqarnini taasisinnaanermi qallunaat Socialdemokratinuinut inississallugu.Tamanna partiip nammineq toqqagarivaa, ajoraluartumilli tamassuma kingunerissavaa, partii imminut sunniuteqarsinnaajunnaartissagami, Danmarkimi Tungujortut aquttuuneq ingerlateqqiinnassappassuk, Niels Thomsen tusagassiuutinut nalunaarummini oqarpoq.
Erseqqissaatigaalu Demokraatini aqqut alla atussallugu toqqarsimagitsik.
- Uagut politikkikkut illuatungeriinnermi ikkattumik imminut pissusilersoqatigiittarnermut pituttoreernianngilavut, kiffaanngissuseqarusuppugulli Kalaallit nunaata soqutigisai pitsaanerpaamik aallussinnaajumallugit, Niels Thomsen Demokraatineersoq oqarpoq.
