Demokraatit: Nukissiorfiit namminersortunngorunik akiliisinnaajunnaassapput
Demokraatit Inatsisartuni aningaasaqarnermut tunngasunut oqaaseqartartuat Niels Thomsen, Siumup aningaasanut inatsisissatut siunnersuutaa pillugu, taama allappoq.
Nukissiorfiit ingerlatseqatigiiffinngortinnissaat qanoq kinguneqarumaarnersoq, Siumup paasisimagunanngimmagu taassuma quarsaarnarnerarpaa.
- Nukissiorfinnik ingerlatseqatigiiffinngortitsineq tassaasussaanngilaq inuinnarnut ingerlatassanngortitsineq. Nukissorfiit Namminersorlutik Oqartussanit pigineqaannartussaapput, taamaattumik Namminersorlutik Oqartussat taakkuusussaapput Nukissiorfiit taarsigassarsiassaannut akisussaalersussat. Taarsigassarsiat taarsersorneqarnialerpata, aningaasanik aallerfissat marluinnaapput, tassaasut Nunatta karsia imaluunniit atuisartut. Tassa innuttaasut innaallagissamut, imermut kiassarnermullu akiliinerusalersussaapput, tamannalu Demokraatit kukkunertut isigaat, Niels Thomsen taama erseqqissaavoq.