Siumut, Atassut Inuit Ataqatigiillu Naalakkersuisooqatigiinnissamut isumaqatigiinnerannut Demoktatit illuatunngiliuttutut inisseqqipput.
Demokraatit siulittaasuat Per Berthelsen Ritzau-imut oqarpoq ajuusaarutigalugu nunatsinni allannguiniarnerit novembarip 15-iani qinersinerup kingorna piviusunngunngitsoormata.
- Naalakkersuinikkut nutarterinerit maannakkut naaakkersuisunngortut isumaqatigiissutaanni atuutinngilaq, tulluusimarutigisinnaavarpulli uagut qineqqusaarnitsinni qineqqusaarutigisimasavut isumaqatigiinniutigineqartut ilagimmassuk, Per Berthelsen Ritsau-imut oqarsimaneragaavoq.
Taama oqarnermini Per Berthelsen - ip pisaa tassaavoq erninermi sulinngiffeqartarnerup sivitsorneqarneranut tunngasoq. Demokraatit qineqqusaarnernerup nalaani qineqqusaarutaasa ilagaat, erninermi sulinngiffeqartarnerup sivitsorneqarnissaa, taannalu naalakkersuisooqatigiilersut anguniagaasa aamma ilagaat.