Demokraatit Namminersornerullutik Oqartussat kanngunartuliornerarpaat
Namminersornerullutik Oqartussani pissaanermik tigumminnittut PUISI A/S-ip suliassartaata nangeqqinneqarneranut atatillugu ikinngutitik aammaarlutik sernissuleraat Demokraatit politikkikkut oqaaseqartartuat Palle Christiansen oqarpoq.
-PUISI-mi kannguttaattuliorlutik Kalaallit Nunaata aningaasaataanik atornerluisut eqqartuunneqartariaqarput, Palle Christiansen oqarpoq nangipporlu: Demokraatit eqqartuussinertaqanngitsumik isumaqatigiittoqalernera akuerisinnaanngilaat, taamami pisoqarpat politikerit allallu politikerinit toqqagaasimasut ingerlaqqissapput inuiaqatigiit aningaasaataannik atornerluisimanerminnut akisussaatinneqarsinnaanertik ernummatigipalaarnagu.
Palle Christiansen oqarpoq suliap iternga tikillugu eqqartuussivimmi suliarineqarnissaa pingaaruteqartoq.
–Puisimi akisussaasut inuttalerneqartariaqarput pineqaatissinneqarlutillu minnerunngitsumik taamani Naalakkersuisuni siulittaasuusoq Puisi nakkaatilereersoq nalunngereerlugu aningaasaliititseqqittoq, Palle Christiansen oqarpoq.
Naalakkersuisut siulittaasuat Hans Enoksen pineqartoq eqqartuussivimmi inatsisilerituunit suliarineqarallartillugu akuliukkumanngilaq, erseqqissarpaali Namminersornerullutik Oqartussat qaqugumulluunniit inatsisilerituunik sunnerniarnavianngimmat.
