Demokraatit namminersornermut suleqataassapput
Namminersornerup Kalaallit Nunaannut eqqunneqanginnissaa Demokraatit innersuussutigaat, Inatsisartunili tallimanngormat novembarip ulluisa 28-anni taasissutigineqarmat Demokraatit akuersipput, tamannalu pissutissaqarpoq:
decembarip 01-at 2008 17:28
- Namminersornermut taasisitsinissap tungaanut oqallinnermi Demokraatiniit oqaatigiuarparput ataqqissallugu amerlanerussuteqartut angerpata. Neriorsuut taanna eqquutsinniarlugu Inatsisartuni taasissutigineqarmat akuersivugut, Demokraatit siulittaasuat Jens B. Frederiksen Radioaviisimut oqarpoq, nangipporlu:
- Namminersornerup kusanarnerpaamik ajunnginnerpaamillu ingerlanissaa suleqataaffigiumaarparput, Jens B. Frederiksen oqarpoq.
Taassuma aamma erseqqissaassutigaa suliat Kalaallit Nunaanniit tiguneqartussat aningaasatigut matussuserneqarsinnaanissaat maanna qulakkeerneqassasoq, partiillu Namminersornermut angertut maanna malinnaaviginiarlugit.
