Demokraatit: Misissorluakkamik ineqarnermut politikkeqalerta
Matumani aallaaviginiarneqarpoq, innuttaasut qanoq amerlatigisut piginneqatigiilluni inissianik pisinissamut akissaqarnersut, kiisalu allat qassit assigiinngitsunik peqquteqartumik pisinissamut periarfissaqalinngisaannassanersut misissorneqassasoq.
Taamatullu misissuineq tunngavigalugu inissianik pisinissamut akissaqanngitsut inissaannik inissianik akikitsunik pisariaqartitsineq naapertorlugu sanaartortoqassasoq, partii isumaqarpoq, matumanilu ujartorneqarluni, inissianik akikitsunik, piginneqatigiilluni inissianik kiisalu inissianik inuit namminneq pissaannik sanaartornerput ataqatigiissaarneqartariaqartoq.
- Sukumiisumik misissuinermik takussutissaqaratik, naalakkersuisunngortussat sattattutut pissusilersulissapput, taamatut pisoqartillugu inuiaqatigiinni saanngiinnerpaatut inissisimasut pilliuteqarnerpaasartut, Demokraatit isumaqarput.
