Demokraatit Konservativillu suleqatigiinnissamik atsiorput

Per Berthelsenillu nuannaaqisup Konservativinik isumaqatigiissut atsiorpaa. Naatsorsuutigaalu partiit taakkua marluk suleqatigiinnissamik isumaqatigiissut tamarmik nuannaarutigiumaaraat.

Demokraatit nunarsuup ammasumik suleraaseqarnissat pingaartuuvoq, konservativit annertoorujussuarmik attavippassuarnik avammut peqarput. Inuusuttatta politikkimik soqutisaqartut nukittorsarlutillu qaammaasaminnik annertusaannissaannut aqqutissanik aammaanneqarput!” Per Bethelsen oqarpoq. Ilanngullugu oqaatigaa Konservativit inuusuttaasa aaqqissuussisarnerni Demokraatit inuusuttaat peqataatinneqartassasut.

Demokraatit politikkip iluani talerperliunertut inissisimanertik ilisarnaarigilernikuuvaat, tassaniippoq

qitiusumik aqunneqarnerujussuup qimasarneqarnissaa, taamaattumik innutaasut toqqaanarnerusumik nuna tamakkiisumik isigalugu toqqaannarnerusumik peqataatinneqarnissaat anguniarneqarluni. Demokraatinit pingaartinneqarpoq namminersortut inuiaqatigiinni eqaannerusumik periarfissinneqarlutik nunatsinni pingaarnerusumik maannamit inissisimalernissaat. Partiip Demokraatip ilaasortaanik konservatinik isumaqatiissusiornissaq pillugu isumasiortoqaqqaarsimanersoq Per Berthelsen aperineqarami oqarpoq, tunuliaqqutatit tamaasa apersorsimanagit taasisitsisimanatillu, taamaattorli siulersuisuunerit upernaaq ataatsimiinnerminni Demokraatit Konservativillu suleqatigiinnissaaq tapersersoraat