Demokraatit Konservatiivinik suleqateqarnertik unitsippaat
Jens B. Frederiksenip parteeqataasalu qanganitsanut pingaartitsisutut taaneqartarnertik qatsuppaat. Demokraatit inuk qiteralugu qilersorsimanngitsumik ingerlatsisuummata, de konservatiivillu qanganisaanerusunik pingaartitsisuullutik. Partiit taakku marluk akornanni suleqatigiinneqa kinguneqarsimavoq qallunaat tusagassiorfianni, demokraatit qanganitsanut pingaartitsisutut taajorneqartalerlutik, tamannalu ilumoortuunngilaq, tusagassiutinut nalunaarummi taama inmaqarpoq.
Demokraatit de konservative ukiut pingasut teknikkikkut suleqatigisimavaat. Partiillu pakatsissutigiuarsimavaat onservatiivit suleqatitik siunnersoqatigeqqaartinnagit Kalaallit Nunaannut tunngasunik oqaaseqartarsimammata.
Qallunaat partiivisa akornanni, Demokraatit ingerlatsinerattut assingusumik ideologiillit tassaapput De Radikale Venstre. Demokraatillu partiimik allamik suleqateqaqqinnissaminnut siunertaqannginnerarput.