- Kommunit aaqqissuuteqqinnerisa kingorna kommuneerarpassuit 18-it sisamanut kommunerujussuanngortinneqarmata KANUKOKA atassalluni pissutissaaruppoq, taamaammat kommunit Namminersorlutillu akornanni allaffissornikkut akunnermiliuttutut atorfissaaruppoq, Demokraatit politikkikkut oqaaseqartartuat, Niels Thomsen oqarpoq.
KANUKOKA-p 12,6 millionit koruuningajaat ilaasortaanermut akiliutitut 2010-mi atussamaarai, Niels Thomsenip maluginiarpaa. Taakku kommunit aningaaserivianniit tiguneqartarput taarsiullugulu KANUKOKA-mut tuttarlutik.
- Demokraatit isumaqarput, aningaasarpassuit taakku kommuninit aningaasakillioreersunit atorfissaqartinneqarnerusut, Niels Thomsen oqarpoq.