Demokraatit: Innaallagiamut atatillugu sangujoraartoqarpoq

Innaallagissap kiassarnerup erngullu akiinik Naalakkersuisut assigiikkunnaaritseriarlutik, isorliunerusuni innaallagissap akiata qaffaataanut Nuummi innaallagissamik kiassartut akiliisussanngortippaat. Tamanna ukioq manna Aningaasanut Inatsisissamut naalakkersuisunit siunnersuutigineqarpoq. Taamali iliorneq akuersaarneqarsinnaangitsoq sangujoraarlunilu aqutsisoqarneranik takutitsisoq, naalakkersuisooqatigiinnut illuatungiliuttut Demokraatit isumaqarput. Siulittaasuat Per Berthelsen ima tunngavilersorpoq:

- Aatsaat takunngilarput Josef Motzfeldtip allatut oqariarluni allarluinnarmut sangusarnera, taannalu uani aamma uppernarseqqinneqarpoq. Qinersinissap tungaanut annertuumik allanngortiterinissat ingerlatiinnarneqarnissaat oqariartuutigivaa maanlu allanngortillugu.

Akit assigiikkunnaarsinneqarnissaat pimmat qanoq kinguneqarsinnaaneranik misissuineq annikippallaartoq kinguartitsisosqartariaqartorlu Demokraatit tungaannit oqariartuutigineqarsimasoq Per Berthelsen-ip erseqqissaatigaa.

- kisianni tassa massakkut takuarput Naalakkersuisut tungaanniit taamatorujussuaq aalajangiussisimarpaluttumik oqartoqariarluni, atuutsileriarlugu, ukioq ataaseq qaangiutiinnartoq, tunuarterneq aallartinneqartoq. Mianersoqqussutinik oqariartuuteqartut naalaarnerisigut piareersimaffigineqareersinnaagaluarpoq.

Isorliunerusuni innaallagiartortut akiliutai qaffangaatsiartussanngussapput, taakkulu oqilisaanniarlugit Nuummi innaallagissamik kiassartut akiliinikinnerusartullu akiliisinnerunerisigut akitigut nalimmassaateqarnissaq aappaatigut naammagineqarsinnaannginnersoq apeqqutigaarput, Per Berthelsen akivoq:

- Nammaqatigiinneq Demokraatit tungaanniit soorunami ajorisarinngilarput, oqariartuutigaarpulli ilikkarneqartariaqalersoq mianersoqqussutit nalaanerisigut peqqissimineq siulliunngisaannarmat. Uparuaannarparput nunatsinnut naammaginanngilluinnartumik atuisartunullu naammaginarnavianngivissumik utersaarluni aaqqiiniarneq massakkut pisoq. Mianersoqqussutit tusaramikkilli nalilersoreertariaqaraluarpaat utaqqissullugulu, utaqqineq misissuinermut atorlugu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat