Demokraatit: IA-p isumaqatigiissutaareersut qimarratigai

Namminersorneq pillugu isumaqatigiissutaareersut Inuit Ataqatigiinnit qimarratigineqarnerarlugit Demokraatineersoq Palle Christiansen isornartorsiuivoq.

Folketingimut naggammik nunatsinni qinersisoqarnerarlugu IA-p qineqqusaarummini oqarnera Demokraatit aalassassutigaat.

- Inuit Ataqatigiit Danmarkimit avissaarnissamik siunniussaqassappata taava suleqatigiinnit siunissami suleriaqqinnissami isumaqatigiinniartarnissatsinnullu ajorluinnartumik inissisimalissaagut, imalu paasineqarsinnaalluni Kalaallit Nunaat ataatsimut isigalugu pineqarunnaassasoq, Palle Christiansen tungavilersuivoq.

Aamma oqartussaaffiit ukiut sisamat ingerlanerinnaani nunatsinnit tamakkiisumik tiguneqarnissaat qularinerarpaa.

Demokraatit qisuariaataannut Kuupik Kleist oqarpoq namminersorneq pillugu isumalioqatigiissitap isummerfissaanut tamanna ilaareersoq.

- Namminersulerutta Folketingimut ilaasortaatitaqarnissarput tulluukkunnaarlunilu pisariaarutissaaq, namminersulernerummi piaartumik pinissaa uagut siunertariuarparput.

Kuupik Kleistip tikkuarpaa apeqqutit tamakku ukiuni sisamani tulliuttuni Folketingimi isummerfigineqartussaasut.

-Taamaattumik apeqqutini taamaattuni nunatsinniit sunniiniartariaqarpugut, tamatumanilu oqartussaaffiit tamaasa nunatsinniilernissaat tuavisaarutigalugu, Kuupik Kleist oqarpoq.