Demokraatit Great Greenlandimi siulersuisut pisortarlu tunuaqquavaat

Great Greenland-ip puisit amiinik Canadamiit pisisarnera nunatsinni piniartunut 80-ikkunnisuulli sunniuteqapilussinnaanera annilaanngatigalugu, Demokraatinit piumasarineqarpoq, Great Greenlandimi siulersuisut, siulersuisut siulittaasuat pisortallu tunuarnissaat. Demokraatineersoq Piniarnermut, Aalisarnermut Nunalerinermullu ataatsimiititaliami ilaasortaasoq Jens B. Frederiksen tunuaqqusinermut piumasaqaatertik tunngavilersuutigaa ippassaq TV-aviisimi Great Greenlandimi pisortap oqaasii:

-Malugineqartariaqarpoq ippassaq TV-avisikkut takutinneqarmat Great Greenlandimi pisortaq Michael Nielsen-i apersorneqarnermini oqartoq, qulakkeerneqarsinnaanngitsoq Canadaminngaanniit puisit pisiarineqartut ilaat anaaneqarlutik toqunneqarsimannginnerat. Saniatigut aamma ersarissumik oqaatiginngilaa siunissami pisiortussanngitsugut, jens B. Frederiksen oqarpoq.

Michael Nielsen-ili ullaaq radioavisimi oqaaseqarnermini akerlianik oqarpoq, Canadaminngaaniit puisit amii pisiatik tamarmik aallaaneqarlutik pisarineqartarsimasut.

-Taamatut allanngortiterineq akuerisinnaanngilarput. Aamma annertoorujussuarmik isumaqarpoq, avaataaninngaanniit Kalaallit Nunaat qanoq isigineqarnersoq. Eqqaamassavarput tamatta 80-ikkunni qanoq pisoqarsimanersoq, piniartunullu taamanikkut qanoq annernartiginersoq, Jens B. Frederiksen oqarpoq.

Demokraatit isumaqarput piniartut annertoorujussuarmiik eqqugaassasut uppernarsineqarsinnaanngippat nunarsuaqatitsinnut politikkikkut nunatsinnit akuerisinnaanngikkipput, Canadami puisit taamatut naalliutsinneqarlutik toqunneqartarnerat.

-Taava imaassinnaavoq ilimanarlunilu Europamiit nunanillu allanit nunatsinniit puisit amiinik pisiortorusukkunnaassasut, taannalu piniartunut annertoorujussuarmik piniartunut sunniuteqartussaavoq, Jens B. Frederiksen oqarpoq.

Demokraait isumaqarput Great Greenlandimi pisortaq, siulersuisui naalakkersuisullu tassani akisussaanerpaasut.

Aningaasaqarnermut ataatsimiititaliami siulittaasoq Ellen Christoffersen tusagassiutinut nalunaaruteqarpoq, Great Greenlandip sakkortuumik uparuarneqarnera pillugu ullup qeqqata qaangilaarnerani ullumi Aningaasaqarnermut Ataatsimiititaliaq ataatsimiissuteqartoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat