Demokraatit Folketingimut pingasunik sassartitaqartut
Nivi Olsenip sassarnini ippassaq nalunaarutigaa, allallu marluk partiimit ullumikkut saqqummiunneqarput.
Jens Christian Jacobsen, Nivi Olsen og Steen Lynge stiller op for Demokraterne til folketingsvalget. Pressefoto
Allattoq Karsten Sommer
maajip 15-at 2019 12:20
Folketingimut qinersisoqartussanngornera ministeriunerup Lars Løkke Rasmussenip sapaatit akunnerata siuliani nalunaarutigaa, Demokraatillu piareerlutik ullumikkut aamma nalunaarput. Partiip sassartitassani pingasut saqqummiuppai.
Demokraatit ippassaq tikillugu partiini kisiartaalluni sassartitassaminik saqqummiussaqanngilaq - naalakkersuisuusimasulli Nivi Olsenip sassarnini Facebookikkut ippassaq nalunaarutigaa.
Peqqissutsimut attaveqatigiinnermullu naalakkersuisuusimasup Atassummullu ilaasortaasimasup Steen Lyngep sassarnini nalunaarutigaa. 26-nik ukiulik Jens Christian Jacobsen aamma sassarpoq.
Folketingimut pingasunngornermi juunip tallimaani qinersinissamut sassartut katillutik 17-inngorput.
