Demokraatit Folketingimut pingasunik sassartitaqartut
Folketingimut qinersisoqartussanngornera ministeriunerup Lars Løkke Rasmussenip sapaatit akunnerata siuliani nalunaarutigaa, Demokraatillu piareerlutik ullumikkut aamma nalunaarput. Partiip sassartitassani pingasut saqqummiuppai.
Demokraatit ippassaq tikillugu partiini kisiartaalluni sassartitassaminik saqqummiussaqanngilaq - naalakkersuisuusimasulli Nivi Olsenip sassarnini Facebookikkut ippassaq nalunaarutigaa.
Peqqissutsimut attaveqatigiinnermullu naalakkersuisuusimasup Atassummullu ilaasortaasimasup Steen Lyngep sassarnini nalunaarutigaa. 26-nik ukiulik Jens Christian Jacobsen aamma sassarpoq.
Folketingimut pingasunngornermi juunip tallimaani qinersinissamut sassartut katillutik 17-inngorput.