Demokraatit: Ellen inissinneqanngippat taava ?

Allattoq Jaaku Lyberth
oktobarip 06-at 2006 17:40

Naalakkersuisooqatigiit ullumikkut aalassatitsinerat tunngavigalugu Demokraatit inatsisartut siulittaasoqarfiannut marlunngorpat inatsisartut ataatsimiinnissaanni suut oqaluuserineqassanersut apeqquteqarput.

Atassummi siulittaasup ilaasortaatitani Ellen Christoffersen inississanngikkaluarpagu qanoq pisoqassanersoq, tamannalu tunngavigalugu Atassut naalakkersuisooqatigiinni suleqataajumajunnaassagaluarpat qanoq kinguneqassanersoq, Demokraatit siulittaasuata Per Berthelsenip paragraf 36 atorlugu naalakkersuisunut apeqqutigaa.

Per Berthelsenip inatsisartuni oqaluttarfimmit naalakkersuisooqatigiit pillugit nassuiaasoqarnissaa ullumi paasiniaaffigigaluarpaa, Hans Enoksenili nipangersimaannarmat maanna Demokraatit paragraf 36 atorlugu apeqquteqarput.