Demokraatit: Aningaasatigut ajornartoorneq qanoq annertutigisumik eqquissava?
Inatsisartut sisamanngormat akuersaarpaat Danmarkimi aningaasatigut ajornartoornermi ikiuigasuartoqarnissaa. Tamanna Demokraatiniit Kalaallit Nunaannut qanoq aningaasanik annertutigisumik eqquissanersoq paasersunneqarpoq. Demokraatit taamalillutik naalakkersuisut nassuiaateqarnissaat piumasaraat.
oktobarip 11-at 2008 17:18
Palle Christiansen aningaasaqarnermut oqaaseqartartoq ima oqarpoq:
- Nalunngilarput aningaasaqarnikkut ajornartorsiorneq 15 mio. koruuninik nunatsinnut naleqassasoq. Aningaasalli katersukkat kontomi uninngasuutigineqartut qassiunersut naluagut, Palle Christiansen oqarpoq.
Nationalbankip sinneqartoorutaasa ilaat Kalaallit Nunaannut tunniunneqartartut ukiuni tulliuttuni marlunni, 2009-2010-milu tunniunneqarsinnaajunnaarneri aningaasanut inatsimmut annertuumik eqquinerlussasoq, Palle Christiansennip ilanngullugu erseqqissaaatigaa.
Aningaasamut inatsimmi sipaarutissanik nassaartariaqalernissaq imaluunniit aningaasanik aallerfissanik nutaanik ujarlertoqartariaqalernissaq pisariaqalissasoq Palle Christiansen isumaqarpoq.
