Demokraatit: Aningaasarsiornerup napparteqqinnissaa pingaarnerpaavoq
Demokraatit gruppeformandiata, aningaasaqarnermullu tunngasunut oqaaseqartartup, Niels Thomsenip, tusagassiuutitigut nalunaarummini illuatungiliuttut marlussunnik uparuarpai.
Tassa aningaasarsiornikkut ingerlatsinerlorujussuarnermikkut Kalaallit Nunaat ajorluinnartumik inissisimalersissimavaat, aningaasaliissutissaarutaasarlugu, tamannalu naalakkersuisunut ilaasortaasimasutut taakku akisussaaffigaat.
Aappassaanik: Illuatungiliuttut maannamut taamaallaat aningaasartuutitalinnik saqqumiussuipput aningaasalerniakkaminnik ukissiorfinnik ingerlatseqatigiiffiliornermikkut. Isornartorsiutit tassa taama nipaqarput.
Tamaku tunuliaqutaralugit Demokraatit isumaqarput "aningaasarsiornitta napparteqqinnissaa illuatungiliuttut akuerseqataanissaannit pingaarnerpaasoq", Niels Thomsen allappoq. Naalakkersuisulli aningaasanut inatsisissatut siunnersuutaat illuatungiliuttut, Siumukkut Atassutikkullu, naggataatigut akuerseqataaffigiumaaraat, Niels Thomsenip neriuutigaa.
Aningaasanut inatsisissaq pilersaarutit malillugit pingasunngorpat aappassaaneerlugu oqallisigineqassaaq, novembarillu ulluisa 13-ianni pingajussaaneerlugu oqallisigineqareeruni akuersissutigineqassalluni.
