Demokratit kamassutigaat qaatsiartaat pillugu angallannermut pisortaqarfimmut allakkatik suli akineqarsimanngimmata. Jørgen Wæver Johansen-ilu maanna iliuuseqaqquaat.
Apeqqutit Marie Fleischerimit apequtigineqarput, januaarillu 18-iani nassiunneqarlutik. Taassuma tupigusuutigaa pisortaqarfimmit suli akineqarsimannginnertik.
Pisortaqarfimmiilli oqaatigineqarpoq apeqqutit suli tiguneqanngitsut, Marie Fleischer-ilu maanna piumasaqarpoq Jørgen Wæver Johansen pisortaqarfimmini iluarsaasisariaqartoq.
Marie Fleischer-ip qaatsiartaat pillugu apeqquteqarnermini paasiniarpaa pisumi susoqarpiarnersoq. Uummannami pisut ernummatigai angallannerullu iluani paatsiveerusimaarnertut taallugit, avisi AG ullumi saqqummersoq allaaserisaqarpoq.