Demokraatit ajugaarujussuarput

Qaqortumi ilinniarnertuunngorniat folketingimut qinersisuusaartinneqarmata Demokraatit ajugaarujussuarput taamaasillutillu Demokraatit folketingimut qinigaatitaqarsimassagaluarput Qaqortumi ilinniarnertuunngorniarfimmi taasisut kisimik oqartussaagaluarpata. Qinersisuutaaqataasut 108-t ilaasa 50-t Demokraatit qinerpaat. Qinersisuusaarnermik aaqqissuisup Finn-René Borggårdip oqaatigaa Demokratit tapersersorneqarnerujussuannut pissutaasoq Ilinniarnertuunngorniarfimmi Siumumut ersarissumik illuatungileeqattaarnerat. Ilinniarnertuunngorniat Siumumik taasiumannginnerannut aamma pissutaanerarneqarpoq Siumukkormiut minnerunngitsumik KNR-imi aallakaatinneqartumi qineqqusaarnermi allamiunik asissuerpalaarlutik kalaallinik kalaaliussutsimillu ingasattajaarlutik pingaartitsiniarpallaarnerat. Qinersisuusaarnermi Siumut 14-nik taaneqarpoq Inuit Ataqatigiit arfineq-marlunnik. Atassut arfineq-pingasunit taaneqarpoq.

Qaqortumi ilinniarnertuunngorniarfimmi qinersisuusaaqataasut 29-t suli isumminngillat kina partiluunniit sorleq qinissanerlugu.