Demokraatit aamma IA: inatsisartuni ilaasortat 25-nngorlik

Demokraatit aalajangiisussaasuuppata Inatsisartunut qinersineq 31-nik ilaasortaqartussaq kingullerpaaq qineqqusaarutigineqarpoq. Partiimmi kissaatigaa Inatsisartuni ilaasortat 25-nnanngortinneqarnissaat.
Allattoq Jaaku Lyberth
maajip 21-at 2009 16:57

Kommuninut nutaanut nunaqarfinnilu aqutsisunut qinersinerup kingorna qinikkat ikinnerulerput, taamaattumillu inatsisartuni ilaasortat aamma ikinnerulernissaat Inuit Ataqatigiit inatsisartunut qinigassanngortitaata Isak Hammond-ip apriilip qaammataani siunnersuutaa, Demokraatinit maanna tapersersorneqalerpoq

- Inuttussususeq tunngavigalugu 31-nik ilaasortaqarneq ingasaginartoq, partiip siulittaasuata tulliata Palle Christiansenip oqaatigaa. Ilanngullugu kissaatigaa akissarsianut angalanernullu millioninik sipaarfigineqarsinnaaneri.

Partiillu kissaatigaattaaq Inatsisartut ukioq naallugu ataatsimiinnitik agguataartalissagaat. Tamanna pisariaqarpoq inatsisissat tuaviusukaaginnaq suliarineqartannginnissaannut. Taamaalilluni ilaasortat najuutinngikkaluartut parteeqatitik sinnerlugit tuaviusukaaratik suliarisinnaalissammatigik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq