Demokraatit aalisarnermut naalakkersuisoq nersorpaat

Aalisarnermut naalakkersuisoq, Ane Hansen, aalisakkat akiisa minnerpaaffilernissaannik aalisartut piumasaqaataannut naaggaarmat qaleralinniarnermilu ikilisaasoqartariaqartoq oqariartuuteqarmat, Demokraatit aalisarneq pillugu oqaaseqartartuata, Andreas Uldumip, qiimmaallaatigeqaa.
Allattoq Jens Thorin
juulip 02-at 2009 07:23

- Nunarput akisussaassuseqartumik, aamma nuannarineqanngikkaluartunik aalajangiisinnaasumik, Aalisarnermut naalakkersuisoqalermat, Demokraatit nuannaarutigaat, Andreas Uldum allappoq.

- Qularutigineqassanngilaq, Ane Hansen ulluni tulliuttuni asseqanngitsumik ilungersunartorsiortinneqarumaartoq, sapiitsuliorluni aalajangerneri allangortinniarniarsarineqarlutik. Kisianni apeqqutinut taakkununnga tunngasuni tapersersorneqarnissani naatsorsuutigisinaavaa, Demokraatit aalisarneq pillugu oqaaseqartartuat allappoq.

Kisianni Siumut isornartorsiuineruvoq.

- Royal Greenlandip toqissisimasumik ingerlatsinissaa anguniarlugu ikiorserneqarpoq, aammali aalisartut assinganik pineqartariaqarlarluarput, siulittaasoq Aleqa Hammond allappoq.

- Aalisartut akit appasinnerinik misillertinneqarput, nunarsuarmilu aningaasarsiornikkut ajornartoqaneq aninigussagunikku ikiorserneqarnissaat avaqqunenqarsinnaangilaq, Aleqa Hammond oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq