Demokraatit: 2007-imut aningaasanut inatsisissaq isumakulunnarpoq

2007-imut aningaasanut inatsisissami nukissiornisssamut, peqqinnissamut, ilinniartitaanermullu aningaasaliisoqarnissaannik naalakkersuisut siunnersuutaat Demokraatinit iluarineqaraluartoq, illuatungaatigut 379 millioni koruuninik amigartooruteqartoqarnissaannik naalakkersuisut missingersuusiornerat Demokraatinit isumakulunnartinneqarpoq.

- Amigartoorujussuarnerup annikillisarneqarnissaa anguniarlugu sipaarfiusussanik nassaartoqarsimasariaqaraluarpoq, Demokraatit aningaasaqarneq pillugu oqaaseqartartuat Lene Knüppel allappoq, ujartorlugulu ilinniartitaanermut annertunerusumik aningaasaliisoqarnissaa. Nunaqarfinni meeqqat atuartitaanerat pitsanngorsaavigineqarsinnaavoq, Demokraatit allapput.

Demokraatit isumaqarput aningaasanut inatsisissap 379 millioni koruuninik amigartooruteqarnissaannik naalakkersuisut missingersuusiornerat, aningaasaqarniarnerup ilungersorpallaalernissaannut navianartoqartoq.

Pisiat kiffartuussinerillu piumaneqarnerisa kingunerisaanik akit qaffassapput, Danmarkillu nunatsinnut tapiissutigisartagaata nalinga minnerulissasoq Demokraatit annilaanngatigaat.