Demokraatinit soraarsitsinerit unioqqutitsinertaqanngitsumik pipput

Demokraatini siulittaasup tullia Jens B. Frederiksen, misissuisitsinissamut akerliugaluartoq ima oqarpoq:

Uanga isumaga naapertorlugu ersarittorujorujussuuvoq advokatit naliliinerat. Nalilerpaat uagut Demokraatininngaanniit anisitaanngilagut, Demokraatit Nuummi afdelingianinngaanniit anisitaanngilagut aamma suli hovedbestyrelsimut ilaasortaanerput naqissuserneqarpoq, Per Berthelsenip advokat-undersøgelsiani. Uagut tamatta, Demokraatinut ilaasortaasugut Kangia – Kitaa kommuneani atsioqatigiinnikuuvugut, soorunami taanna isumaqatigiissut ataqqivarput. Politikkikkut una isumaqatigiinnginerput attuumassuteqanngilaq Demokraatit iluanni, taamaammat isumaqatigiissut taanna attatissavarput.

Una misissuineq uparuarnikuuvarput, aamma isumaga naapertorlugu arlaannaalluunniit attuumassuteqanngitsutut nalilerneqarsinnaanngilaq, illuatungaaniit, oqaannaraanni bestilerneqarsimammat, taavalu aamma suut misissorneqassanersut taamaallaat siulittaasumiit oqaatigineqarluni, uagut arlaannilluunniit aperineqarnikuunngilagut isumarput naapertorlugu misissuineq qanoq ingerlassanersoq. Kisianni taamaakkaluartoq tupaallannanngitsumik naliliinera ersarippoq, tassa Demokraatinut suli ilaasortaavugtut aamma hovedbestyrelsimut suli ilaasortaavugut, tassanngaanniit anisitaanikuunngilagut. Siulersuisuunerit unnummut ataatsimiittussaapput, aamma aalajangerneqarnikuuvoq juulip 8-ni immikkut ataatsimeersuarneq pissasoq, tassani naammassineqassooq, Jens B. Frederiksen oqarpoq.

Demokraatit Nuummi immikkoortortaani siulittaasup Erik HK Heilmannip unnummut nalunaarutigaa ilaasortat taakku pingasut Demokraatit kommunimi gruppuianit anisitaanissaat tullinnguuttoq.