Assi: KNR

Demokraatini suleqatigiinnermik ajornartorsiut avissaartuutsitsisoq

Suleqatigiinniarnermik ajornartorsiuteqarneq pissutaalluni Demokratit Inatsisartuni gruppianni avissaartuuttoqarpoq. Taamaattoqarneralu Michael Rosingimut kinguneqarpoq.

Inatsisartut gruppianni suleqatigiinniarnermik ajornartorsiuteqarneq Michael Rosingilu oqaaseqarsinnaasinnaatitaajunnaartoq taamatullu Inatsisartut ataatsimiititaliaani atuuffimminik annaasaqartoq, Randi Vestergaard Evaldsenip KNR-imut uppernarsarpai.

Aalajangiineq partiit siulittaasuanit Inatsisartunilu ilaasortanit pingasunit, Randi Vestergaard Evaldsenimit, Nivi Olsenimit, Justus Hansenimillu aalajangerneqarpoq.

Rosing suli Demokraatiniittoq

Demokraatit siulittaasuata Randi Vestergaard Evaldsenip suna suleqatigiinniarnermik ajornartorsiuteqartitsinersoq oqaatigerusunngikkallarpaa, qanorlu pisoqarumaarnera paasinarsiumaartoq oqaatigalugu.

Michael Rosing pisoq pillugu oqaaseqarumanngikkallarpoq, Randi Vestergaard Evaldsenilli Michael Rosing Demokraatit gruppianni suli ilaanerarpaa pisorlu suli sulissutigineqarnerarlugu.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat