Demokraatini siulersuisuunerit ullumi ataatsimiissapput
Inatsisartuni illuatungiliuttut Demokraatit siulittaasortik Per Berthelsen peersinniarlugu aaqqiagiinngissuteqarput. Siulersuisuunerni ilaasortat amerlanerit partiiminnik pilersitsisoq Per Berthelsen Jens B. Frederiksenimit taarseqqulermassuk.
Siulersuisuunerit ataatsimiinnissaannut Per Berthelsen, tullersortaa Palle Christiansen, Ane Marie Schmidt Hansen aamma Marie Fleischer aggersarneqarput.
Allat pingasut, Jens B. Frederiksen, Astrid Fleischer Rex aamma Karen M. Lynge Nuummi Demokraatinit ilaasortatut tunuartitaareerput.
Palle Christiansenillu Per Berthelsenimut erseqqissaatigaa, taakku pingasut anisitaanertik akuerinngimmassuk aggersakkanut ilaasut.
Palle Christiansenip aamma tusagassiorfinnik aggersaaneq iluarinngilaa. Tamannali Marie Fleischer-ip ajoriffissaqartinngilaa, tusagassiorfiillu tikilluaqqullugit.
Demokraatit siulersuisuuneri ualeru ataatsimiilerunik ullormut oqaluuserissavaat, Nuummi Demokraatinit anisitaasut taarserneqassappatalu siulersuisuunerni kikkunnit taarserneqarnissaat.