Nivi Olsen Demokraatini siuttunngoruni, partiimini siuttuni ukiut tallimaannaat iluanni tallimaalissaaq. Toqqorsivimmit assi.Assi: Knr

Demokraatini nikittaqattaartut: Nivi Olsen ukiut tallimat ingerlanerini siulittaasut tallimassaalersoq

Randi Vestergaard Evaldsen Demokraatit siulittaasorigallagaatut sapaatip akunnerani matumani tunuarpoq. Demokraatini ukiut tallimat ingerlanerani siulittaasut tallimassaatut Nivi Olsen siulittaasuulerpoq.

Nivi Olsen Demokraatini siuttunngoruni, partiimini siuttuni ukiut tallimaannaat iluanni tallimaalissaaq.
Taamaammat qinersisartut partiimit suna naatsorsuutigisinnaaneraat, Demokraatit nassuiartariaqarpaat.
Naalakkersuinermi malinnaasoq, aviisip sapaatit akunerannut saqqummersartup Sermitsiap naalakkersuinermut tunngasunut aaqqissuisoq, Jensine Berthelsen, taama oqarpoq.

Qinersisit

Niels Thomsen Inatsisartunut 2018-imi qinersinermi 2773-inik qinersisoqarpoq.

Nivi Olsen 874-init taaneqarpoq.

Randi Vestergaard 579-init taaneqarpoq.

Tunngavik: qinersineq.gl

- Massakkut pisut, inuit Demokratini nuimasut politikkikkut tamakkiisumik suleqataasinnaanerisa killeqarnera soorunami,  Jensine Berthelsen taama oqarpoq. 

Randi Vestergaard Evaldsen, politikkimit juulip naanerani tunualersoq, partiimi siulittasutut qinigaasoq Niels Thomsen marsimi sulinngiffeqalermalli siulittaaasutut atuuppoq. 

Niels Thomsen, 2018-imi qinersinermi 2773-init taqaguuneqarluni partiini qinersiseqarnerpaasoq, sulinngiffeqarnernini stressimik peqquteqartumik sivitsorini marlunngormat nalunaarpoq.

Demokraatilli siuttoqarnikkut aatsaat akunnattuulinngillat. Tassami Jens B. Frederiksen 2014-imi tunuarpoq. Taamaaliunngitsiartoq rubinisiorfimmi suliffeqalernera pollugu politikereqataasa isornartorsiorpaat. 

Taassuma kingoraartaa, Anda Uldum, ukiut marluk qangiutiinnartut stressimik peqquteqartumik aamma politikkimit tunuarpoq siulittasuujunnaarlunilu. 
Partiip siulittaasuanut tullersorli aaqqissuussaanermik suliaqartoq Inatsisartunullu  ilaasortaq, Nivi Olsen, partiimi siuttuussaaq. 

Tassa ukiut tallima ingerlanerinnaani siuttut tallimaat. 

- Pisut assigiingitsut qinersisiminnut nassuiarluarlugillu oqaluttuarilluarlugit qinersisartut suna Demokraatininngaanniit natsersuutigisinnaaneraat suliassarivaat annertoorujussuaq, inuit ataasiakkaanut tunngatillugu qanoq pisoqarnera Demokraatinut sunniuteqanerlussanngippat.

 

 

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat