Nuummi umiarsualivitoqaq, Naalakkersuisut ilaasa inaannut isikkivik.Assi: Bo Kristensen

Demokraatineersoq Naalakkersuisut ineqarnermut akiliutaannik qaffaarusuppoq

Naalakkersuisut aalajangiissagaluarpata Naalakkersuisunut ilaasortat ineqarnerminnut tamakkiisumik akiliisassanngikkaluarput.

Naalakkersuisunut ilaasortat ataasiakkaat naalakkersuisunngornerminnut atatillugu ullumikkut akiligassat taamaallaat 60 procentii akilertarpaat. Demokratineersup Tillie Martinussenip tamanna allanngortikkusuppaa 100 procentinngorlugu.

- Aaqqissuusseqqinnerit nalaanniippugut, innuttaasullu ilaannut tamanna eqquinerluttussaammat politikerit salliullutik malitassiuisariaqarput, aamma politikerit namminneq aningaasaqarnerata eqqorneqarneratigut allannguinernut piareersimallutik takutittariaqarpaat, Tillie Martinussen oqarpoq.

Aamma atuaruk Ineqarnermut tapiissutinut inatsit sukaterneqassaaq

Naalakkersuisulli siunnersuut tapersersunngilaat malittarisassanut nutaanut maannakkut atorneqartunut Inatsisartut 2011-mi akuersisimammata.

Demokraatilli isumaqarput Naalakkersuisunut ilaasortat akissarsiaqangaatsiarmata taamaatinnermillu kingorna aamma ajunngitsorsiassaqartarlutik najukkaminnut tamakkiisumik akiliisariaqartut.

Inatsisartuni kikkut isumaqataanersut ullumi kingusinnerusukkut suliarineqarpat paasinarsissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat