Deloittep benziinasissutissaq pillugu misissuinera aana

Doris J. Jensenip benzinasissutaanit atuinermik Deloittep misissuinera saqqummiutissallugu KNR ataasinngornermi aalajangerpoq. Misissuineq, benzinasissut, atuuffimminut atatillugu biiliminut atugassani atornerlunneqarsimassasoq 2017-imi pasitsaassaqarami, nammineerluni imissutaa.

KNR isumaqarpoq, misissuineq suliamik, tamanit soqutigineqaleqisumik, ilisimasaqarnerulernissamut iluaqutaasinnaasoq. Nutaarsiassaqartitsivimmi pisortaq Mikkel Bjarnø Lund taama nassuiaavoq.

- Inuit paasissutissat, nalunaarusiamiittut, tamakkiisumik takusinnaaniassammatigit, misissuineq tamanut saqqummiupparput. Suliaq tamanit soqutigineqaqimmat taamaaliorpugut. Taamaalilluta oqallinnerup ilisimasanik tunngaveqarnissaanut tapertaassalluta neriuutigaara, taanna oqarpoq.

AAMMA ATUARUK Dorisip benzinamut kortia tigoriaannaasimasoq kukkunersiuisup isornartorsioraa

Allagaat qallunaatuuinnaagaluartoq KNR-ip saqqummiuppaa.

- Una inatsisinik tunngaveqarluni allagaataavoq, uagullu allagaatiginngilarput. Pissutsit taamaatsillugit, nutserneqarnerata Deloittemi allagaammik allattuut siunertaattut ittunngornissaa, akisussaaffigisinnaanngilarput, nutaarsiassaqartitsivimmi pisortaq Mikkel Bjarnø Lund oqarpoq.

Nalunaarusiaq PDF-nngorlugu uani aasinnaavat.

AAMMA ATUARUK Kielsen vil ikke dømme i benzinkortsagen endnu

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat