Debatten KNR-kkut aallakaatinneqartussanngorpoq
Debatten GU-p Minihalliani martsip 9-ani immiunneqartoq uummaarissumillu najuuffigineqartoq TV-kkut KNR2-kkut ataasinngorpat nal. 19.30-ip 20.30-llu akornanni aallakaatinneqassaaq.
- Nuannaarutigaarput tulluusimaarutigalugulu Debattenip immikkut aallakaateqqaarnissaanut isumaqatigiissuteqaratta, piffissaasuarnerli pissutigalugu aallakaatitaq qallunaatut ingerlanneqartoq kalaallisut allagartalersugaasinnaanngilaq, KNRip aallakaatitassiornermut pisortaa, Jan Berg oqarpoq.