"Dean" Mexico-p tungaanut ingerlaarpoq
Ulussaarsuaq ”Dean” Jamaica-p kujammut sineriaanut ippassaq anngummat aseruatitseqaaq, illoqarfiillu pingaarnersaanni Kingstonimi orpiit uppikaatiterput illuillu qaliai teqqakaatillugit.
Orpik illumut uppimmat inuk ataaseq maqaasineqartutut nalunaarutigineqarpoq. Taassuma siorna inuit arfinillit Caribiami ajunaarsimasutut nalunaarutigineqarput.
Inuit Jamaica-mi oqartussanit aneqqussaajunnaarsinneqarput, innaallagissiorfiillu arlallit matuneqarlutik.
Anoraasuasarnerit akunnermut 230 kilometerinik sukkassuseqalermata taamatut aalajangiisoqarpoq.
Jamaica sumiiffiit ilaanni nuna sisoorsimasoq nalunaarutigineqarpoq.
Ulussaarsuaqarnissaa qeqertani Cayman Islandsimi, Cubami, Mexico-p pigisaata ilaannilu kiisalu Belizemi ilimasaarutigineqarsimavoq.