DDR-ikkut Gasolin nutarterpaat

Nipilersornerup silarsuaanit nutaarsiassaqarpoq. Nuuteeraq protestsange.dk Danmarkimi saqqummersinneqassaaq, tassani saqqummersitseqataapput nipilersoqatigiit DDR, taakku nipilersoqatigiit Gasolin´qanga saqqummersissimasaat ’Fra Kap Farvel til Ûmánarssuaq’ nutarsarlugu immiussimavaat.

Nuusiaq erinarsuutinik danskisoortunik 13-inik imaqarpoq, taakkulu 1950-imit 1990 tikillugu saqqummereersimapput. Maannalu nipilersortartut nutaajunerumaat arlallit immiuteqqippaat, ilaatigut tassaasut Karen, Peter Sommer, Ataf, Magtens Korridorer, Marie Frank, Hush kiisalu DDR-ikkut Kalaallit Nunaanneersut.

- Tanngassimaarutigeqaarput nuusiami taama ittumi peqataasinnaangatta, ingammik Gasolinip saqqummersissimasaanik nutarteraluta immiussisinnaasimanerput oqaasertaasalu ilaannik kalaallisuunngortitsilluta immiussinnaasimagatsigu tulluusimaarutigaarput, nuuteeqqamik saqqummersitseqataanermikkut Danmarkimi nipilersornerup silarsuaanut akuulersinnaanissaminnut neriuuteqartut DDR-imi nipilersortartut taama oqarput.