Davis-ip ikerasassua ikaallarlugulu tigusaavoq
Rumæniamiu 32-nik ukiulik Nunavumi tigusarineqarpoq, nunatsinniit umiatsiaararsorluni Davis-ip ikerasassua ikaarlugu Nunavumukariarsimagami.
CBC News tusarliussivoq nunatta kitaata sineriaa atuarlugu Sisimiuniit avannamut Qaanaaq tikillugu angut angalasimasoq, tassanngaanniillu Davis-ip ikerasassua ikaarlugu Ellesmere-p qeqertaani Qaasuitsuliarsimalluni.
Sumiissusersiut GPS-imik taaneqartartoq nassatatuarisimavaa taquaqarsimananilu, Canadami politiit taama ilisimatitsipput.
- Umiatsiaq ajoqusingaatsiarsimavoq, inuttaalu qiiaqalunilu kaattorujussuusimasoq Randy Slawson Canadap politiivineersoq oqarpoq.
Angut oqarsimavoq Toronto-p tungaanut ingerlaqqinniarluni.
Canadami nunasiniarnermut inatsimmik unioqqutitsisutut angut tigusaavoq. Anngiortumik eqqusseriarsimanersoq politiit paasiniaramikku paasivaat, angut ukioq 2000-imi Canadamit anisitaasimasoq.
Rumæniamiu massakkut Canadamiippoq –Canadamiiginnarsinnaanissaali ilimagineqanngilaq.