Greta Thunberg nunarsuaq tamakkerlugu silap pissusiata allanngoriartorneranut ukkatarinnitsitsilerpoq.Assi: Nicholas Kamm/AFP/Ritzau Scanpix

David Attenboroughip Greta Thunberg nersualaarpaa - angutaali ernumavoq

Greta Thunbergipo angutaata BBC-mit apersorneqartilluni oqaatigaa panimmi silap pissusiata allanngoriartorneranik akiuiniarnermi siuttuulluni sukataaruteqarnera ernumagalugu, Thunbergimmi ilaatigut assuarineqartutut saqqummiunneqartarnera ernummatigigamiuk.

- Silap pissusiata allanngoriartorneranik akiuiniarluni atuarfimmit aniniarluni aalajangernera tapersersunngilara, Svante Thunberg, panini 16-inik ukiulik pillugu oqarpoq.

Inuit millionilikkaat Sverigemeersumit inuusuttumit sunnerneqarsimapput, avatangiisit pillugit ukiorpassuarni sukataaruteqarsimasoq Sir David Attenborough, oqarpoq, Thunbergillu malunnaatilimmik iliuuseqarnerata silap pissusiata allanngoriartorneranik eqqummaarinninnerusoqalersoq.

AAMMA ATUARUK Donald Trumpip Greta Thunberg avoqqaaraa

Greta Thunbergip, Sir David Attenborough Skype aqqutigalugu, Stockholmimi angerlarsimaffimminit oqaloqatigaa, Attenboroughillu suliniuteqarnera pissutaalluni silap pissusiata allanngoriartorneranik akiuiniarnissamut aalajangersimanini oqaatigalugu.

Greta Thunbergip maannamut angusai, Attenboroughip ukiuni 20-ni anguniarsimasaanut sanilliunneqarsinnaasut, Attenboroughip nammineq oqaatigaa.

Greta Thunberg, autismet ilaannik Asperger's Syndromeqartutut ukiut sisamat matuma siornatigut paasineqarpoq.

AAMMA ATUARUK Brasiliap præsidentia: Greta Thunberg meerapalaavoq

Thunbergili pillugu nutaarsiassat ilumuunngitsut angutaata ernummatigai, assuarinnippalaartutummi ilaatigut paasineqarsinnaasut Svante Thunbergip oqaatigaa.

- Isornartorsiorneqarninili annerusumik ajornartorsiutiginngilaa. Qanorpiaq tiguneraa ilisimaqqissaanngilara, kisianni nammineq illaatigiinnartarpai. Quiagiinnartarpai, Svante Thunberg oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat