Dash 8-t manngertorneqartut
Dash 8-t SAS-ip pigisai 27-iusut, amerlanersaat assakaasoqarfiisigut manngertorneqartut, Danmarkimi, Norgemi Sverigemilu silaannakkut angallannermi nakkutilliisut misissuereernerisigut paasineqarpoq, atuagassiami, Ingeniøren-imi allaaserineqarpoq.
Timmisartut taakkua assigi, Aalborgimi Litauenimilu illoqarfiit ilaanni Vilnius-imi qanittumi minnerliorujussuarput.
- SAS-ip timmisartuutai dash 8-t 27-usut tamarmik nakkutilliisunit misissorneqarput, taakkunannga 25-t assakaasoqarfimmikkut qinneri manngertorneqartut,
Skandinaviamiut silaannakkut angallannermut nakkutilliisoqarfiani, Skandinavisk Tilsynskontor-imi, teknikkikkut pisortaq, Helge Torp oqarpoq.
Timmisartut Aalborg-imi Vilnius-imilu minnerliortut Danmarkimi Litauenimilu ajutoornerit pillugit ataatsimiititaliaasa, Havarikommissionip misissuereernerisa kingorna paasineqarpoq, aamma taakku assakaasoqarfimmikkut manngertorneqartut.
SAS-ip timmisartuutai assakaasoqarfimmikkut manngertornillit atortunik nutaanik taarsersorneqartut, maanna SAS nalunaarpoq.